top of page

FAQ

Liangmai Foundation si ndegu lo?
Liangmai Foundation hai Liangmai kakga research kam kabam mai (secular/theology maidung) aruang lujiu paliu sonh ga kangambo research ngam kamra bambo pabow khatle.

Liangmai Foundation ga zaurabo gu lunlung ndeitulo?
Govt niu suikhaibo University/College gasu nang Master degree (secular/theology) bamsai zaubo sui-e.

Nedkamjiu I Liangmai Foundation zaura lo?
Aliugu lunlung ga kasanbo, kalihbo maksai kawibo phungwangra nang haiga zaura pageng bamme.

Liangmai Foundation ga ndetiu zauralo?
Life time membership leng tuhoi Register thiu bamme. Rs. 500 lune. Bamzat khai sai Registration fee si kali misune. Membership thiu rabo zai; 1. Nang hai Liangmai nah, 2. Nang hai MA/above (Secular/Theology). Nang MA makge chiudi Liangmai Foundation (LF) gu machun sijiu, sisitu kam tathui ra nangdi zao ni sai LF executive maitu alam khailo. Email- liangmaifoundation@gmail.com

Aliu naih Pawan hai ndegu lo?
Lianglad gasu raubo Aliu naih Pawan tiubo Magazine hai Liangmai Foundation niu machakhaijiu 2019 gasu padjiu bamme. Aliu kakga ariak raubo nai pabo gu lunlung si kachukhai radi haibo Magazine si
padbamme.

Netiujiu website ga chalad-chalui khaira lo?
Nagu characham, chameng, maksai news, advertisement si Liangmai Foundation gu website ga submit thiukhailo, maksai liangmaifoundation@gmail.com ga email langkhaibo sui-e. Article hina si kakibo bam (website or magazine or social media) ga pad makhabo langkhairaboe. Langkhaibo chalad-chalui, maksai chameng si ndelam sulo (source) tiubo masanjiu pi sikhaira-e.

bottom of page